تدري وش اللي يتعب البنت ياخوي

تدري وش اللي يتعب البنت ياخـــوي****رجل يخون اشواقها والمـــوده
اللي الا احتاج الغلا صار نمـــــــرود****وليا شبع مما عطاه استـــــرده
البنت ريحانة غلا ناعمة عـــــــــــود****تبي لها رجل ورث طيب جــــده
رجل فعوله كلها جود في جـــــــــــود****مايلتفت للي كفوفه تمــــــــــده
رجل الا جته الليالي بمنقـــــــــــــــود****يتكي لها مابيح الوقت ســـــده
مهوب خبل مارعى للهوى عهــــــود****وادناة ماعارض طريقه يــرده
ولاهوب لاعله ولا هوب ملهـــــــــود****ولاشكوك وكل طاري يحـــــده
ماشين من الرجال لاجاك ببــــــــرود****وان قال لها قدم شي صــــــده
تبي لها براق طيب لها رعــــــــــــود****ان اجدبت يمطر على ريف خده
وان نادته تكفى لقت عنده الفــــــــود****يشيل عزتها على قو زنــــــــده
كفة نفل وانفاس صدره لها عـــــــود****وظلاله الضافي بيدها تمــــــده
البنت خد وقد ونواظر ســــــــــــــــود****وريحة غلا ياسعد من شم نده
البنت الا ضحكت ثمرها لــــــك ورود****ياخوي من يقطف نواوير ورده
واللي يهين البنت ناقص ومقــــــرود****فرس غلا ماهي حمارة مكده

شكرااااااااااا